Ako

Ako

Malayang tula ni Karl Caesar Del Rosario

Kung ako ay labis niyong pagmamasdan

Ako’y malakas at matapang na tao

Sige at wala akong inuurungan

Inyong makikita tunay na pagkatao

Ang nagmimistulang batang naliligaw

Sa gitna ng mundo kong makasalanan

‘Di ko malaman kung saan papatungo

Sapagkat gabay ay aking kailangan

Ako’y natutong ngumit at tumawa

Kahit na marami ang mga problema

Sapagkat ay malaki na ako

Kailangan tumayo sa sariling paa

Ngunit sa totoo ay ako’y mahina

Pinipilit na lumaban sa problema

Saakin ay kalungkutan ang bumabalot

Dito sa puso at aking isipan

Ako’y magiging metatag at matapang

Sa kahit anumang hamon ng buhay

Aking mga pangarap nais makamtan

At aking pagsisikapan na maabot.