Bituin sa Langit

-
Bituin sa Langit

Tugmang tula ni Kelly Hizon

Sa mga bituin, ako’y nakatingin
Hinahangaan ang kanilang pang-ningning
Tila pangarap na kay hirap abutin
Kaya sa mga bituin, ako’y hihiling

“Ayoko na” mga salitang binigkas
Pag nahirapa’y sinasabi madalas
Mga oras na parang wala ng lakas
Sa pag-abot ng pangarap na kay taas

ALam kong hindi ‘to magiging madali
Ngunit ito ay ang aking minimithi
Matariktarik ang daang lalakbayin
Matataas na bundok ang aakyatin

Aking kakayanin hirap at sakit
Upang diploma ay tuluyang makamit
Mga pangarap ko’y tutuparin

Para sa’king pamilya, ito’y gagawin

Comments

Post a Comment

Popular posts from this blog

Bayani kong Ina

-
                 BAYANI KONG INA Maikling kwento ni Trixie Leonardo Siyam na buwan akong nasa sinapupunan niya. Pagmulat ng aking mata ay ang pinakamagandang babae agad aking nakita. Kanyang mga ngiti na walang kasing tamis at kanyang haplos na puno ng pagmamahal. Nais kong ibahagi sa inyo ang kwento ng aking ina. Ang aking ina na si Irene. Isa siyang OFW sa Japan. Ang aking ina ay hindi nakapagtapos ng pag-aaral at elementarya lamang ang kanyang natapos. Sila noon ay nakatira lamang sa riles at siya ay naghahanap-buhay para sa kanyang sarili dahil sila’y mahirap lamang. Si Irene ay kung saan-saan nagtrabaho. Siya’y naging danser sa bar, nagtinda, at kung anu-ano pa. Dahil nga wala silang sapat na pera siya na ang bumuhay sa kanyang sarili at hindi na umasa sa kanyang pamilya. Hanggang sa siya ay kinasal at kanyang napangasawa na si Mar. Ito ang tumanggap sakanya ng buo kahit pa siya’y mahirap lamang. Nagkaroon sila...
Read more

Lipstick

-
LIPSTICK Maikling Kwento ni Karl Caesar Del Rosario Ako si Elisa, labindalawang taong gulang, isang ulila dumating sa isang buhay ampunan, dati akong naninirahan sa isang maliit na kwarto kasama ang aking ina. Siya ay isang magandang babae na may napakaamong mukha pero sa oras na madampian ng lipstick ang kanyang labi , naglalaho ang mala anghel na mukha ni nanay. Nagtatrabaho siya tuwing gabi. Papatulugin niya muna ako bago siya umalis at pagdating ng umaga ay magigising na lang ako nandiyan na siya at nagluluto ng umagahan. Masaya kami noon kahit lagi akong tinutukso ng mga bata. Importante ay nag aaral ako ng Mabuti. Ang simple naming buhay na pangarap kong umunlad na makatapos ako ng pag aaral  ay natuldukan ng isang malagim na pangyayari. Pagsapit ng gabi, naghanda nang umalis si nanay sinuot ang maikling bistida habang naglalagay ng lipstick ay sinabi niyang magpapakabait daw ako. Mag isa niya akong itinataguyod at pinalaki kahit na nangangayayat at pagod na ...
Read more

Tinola ni Inay

-
Tinola ni Inay Malayang tula ni Juliana Billones Ang simoy ng malinamnam na tinola bumubulong sa aking tenga na kumain. Amoy ay nananatili sa aking ilong kaya’t ako’y takam na takam sa luto ni inay. Inay, ipagluto mo po ako ng tinola dahil iyan ang paborito ko. Naging bata ng natikman Mapulang pisngi dulot ng mainit na sabaw. Sa isang kutsarang sabaw na mainit ako’y nadala na sa langit. Dumaan na sa aking lalamunan mgiti sa labi ay biglang nabuo. Mahal kong tinola ni inay hinahanap-hanap tuwing gutom. Pag-alaala ko sa aking inay Sa pamamagitan ng tinolang manok
Read more