Pantay

Pantay

Sanaysay ni Kelly Hizon

            Ang Pilipinas ay isang konserbatibong bansa. Marahil sa impluwensya ng ating relihiyon. Bilang mga Katoliko ang bibliya ang ating naging gabay sa buhay. Lahat ng mga nakasaad dito’y ating sinusunod upang tayo’y mapunta sa langit at makasama ang Panginoon.

            Isang malaking isyu ang pagpapatupad ng same-sex marriage sa bansa dahil pinaniniwalaang ito’y kasalanan sa mata ng Diyos kaya’t ang simbahan at tutol dito. Ang same-sex marriage ay ang pag-iisang dibdib sa pagitan ng dalawang taong magkaparehas ang kasarian. Sa kasalukuyan, hindi lamang dadalawa ng kinikilalang sekswalidad. Ang mga kapatid natin na parte ng LGBTQ+ community ay ang mga taong hindi akma ang oryentasyong sosyal sa kanilang tunay na kasarian. SIla’y mayroong magandang kalooban at makukulay na personalidad na parang isang bahag hari. Ngunit sa kasamaang palad, Sila’y patuloy na humaharap sa mga diskriminasyon at hindi pa sila ganap na tanggap ng lipunan. Sa kabila ng lahat ng masasamang bagay na kanilang nararanasan, SIla’y patuloy na lumalaban para sa kanilang karapat

            . Ang pagpapatupad ng same-sex marriage sa bansa ay isang paraan nang pagpapahalaga at pagtanggap sa ating mga kapatid. Nakasaad sa bibliya na tayo’y nilikha ng Diyos mula sa kaniyang imahe at tayo’y ipinanganak nang may pantay na karapatan. Kaya ang bawat tao, babae, lalaki man o hindi ay may karapatang magmahal ng kung sino man dahil ang pagibig ay walang kinikilalang kasarian.